Fakansiplan Muchanan Uni, e aña aki ku su di 40 aña di eksistensha ta presentá un programa atraktivo pa tene muchanan di bisendario di Sta. Maria pero tambe hinter Kòrsou okupá k’u variashon di aktividat durante e temporada di fakansi.

​

Nos mishon ta pa duna ehèmpel n’e hubentut i pa prepará nan pa ta muchanan ‘ehemplar’ den nos komunidat. Pa duna muchanan formashon sosial, rekreativo i edukativo. Hopi di nos muchanan ku a forma parti di nos organisashon ta hendenan stabil awe den nos komunidat, pasombra nos ta kere den desaroyo personal di kada ken den su nivel ku a bishita nos organisashon: sentro/plan di fakansi.

​

Awe nos por mira kon yunan, prima/unan, tanchi-/tionan i hasta nieta/u ta bishita nos sentro pre eskolar e.o. komo eks-miembronan ku a forma parti di nos grupo di plan di fakansi bou di e nòmber di “Muchanan Uni” foi aña 1981 te aktualmente.