Nos Sala nan :

Nos sentro ta kuida, eduka i guia nos chikitin nan, pa nan tin un fundeshi fuerte, pa por bira un baluarte riba nos dushi Korsou.

Beibichikitin

E sala aki ta konsistí di un espasio será ku posibilidat pa tuma beibi for di tres luna te ku 2 aña. Ta duna kuido ku dedikashon, stimulá desaroyo di su parti motóriko(kurpa ,man i pia. Diariamente ta traha riba e ‘zindelijkheid’. Ta kubri partinan di desaroyo kaminda e mucha ta siña ehersisionan di matemátika (pùzel), wak den buki i papia, ku ta sòru pa desaroyo di idioma, komunikashon i literashon(riba nivel di nan edat).

Chikitin

E sala aki ta konsistí di un espasio amplio ku ta traha aktivamente riba areanan di desaroyo serka e mucha i preparé bon pa e por drenta enseñansa di fundeshi sin retraso. Ta sigui e programa di kaleidoskop diariamente ku atenshon. Partinan di desaroyo di kompartí, sosialisá, kumpli ku reglanan di etika, ehersisionan di matemátika(pùzel), wak den buki, papia, ku ta sòru pa desaroyo di idioma, komunikashon i literashon.

Fundeshi

E grupo aki ta yega mèrdia despues di skol, ta kambia paña, kome kuminda kayente i sosega kurpa pa 15 min. Despues nan ta hasi diferente tarea entre otro: matematika, motoriko fini, idioma, geografia, lesa buki, turno oral etc. Atardi ta kome un lunch i rekrea te ora ku mayor bin buska e yu.

Guia Despues di Skol

E grupo aki ta yega mèrdia despues di skol, kambia paña i kome kuminda kayente. Despues hasi tarea di kas ku tin/overhoor. Si no tin tarea ta haña tarea èkstra ó ta lesa buki.e.o. ehersisionan di matemátika, papia, ku ta sòru pa desaroyo di idioma, komunikashon i literashon.

Otro aktividatnan kreativo ta keda organisá rondo di e tema (proyektonan). Rekreashon ta sigui te ora mayor bin buska.

Si ke inskribi e yu i tambe hasi un rondleiding na nos sentro, yena e formulario aki i nos ta tuma kontakto ku bo mas pronto posibel!