Dia #8: Dia di Awaseru i Guera di Kolo
Kòrsou , 19 di Juli 2017
Hallo, mi nomber ta Xainn. Awe mainta nos a lanta foi soño i hopi mucha di grupo Technologia ku a drumi ariba den balkon tabata papa mua dor ku awaseru a kai. Algun di nos kosnan den maleta tambe a mua i pesei nos mester a saka nan pafo i kologa nan pa nan seka. Ora nos a kaba, nos a bai baña i despues pa nos kome desayuno. Awaseru a sigui kai i pesei nos no a bai abou serka e otro muchanan. Nos a keda ariba serka Tanchi Viecka. Un par di mucha tabata hunga UNO, mens erger je niet i algun mucha tabata kanta.
Ami, Gedion huntu ku Tsiona a kuminsa un banda di awaseru. Despues di a kome kuminda kayente merdia, nos a kana bai Sentro di Bario Westpunt kaminda nos a bai sigui ku e weganan pa guera di kolo. Nos a hunga stoelendans, charada i laman tera. Despues e mucha grandi nan a hunga jongens en meisjes prome ku nos a bai bek na wikenthuis pa nos kome pan i hunga liber. Mi a pasa hopi dushi awe, mi a gusta e parti di ora awaseru tabata kai i nos a traha nos banda.
Ayo i te mañan!
**Pa tur sobra potret di e dia aki, bishita www.orapamuchananuni.com/pictures
